O Camiño Francés é a ruta Xacobea máis transitada e coñecida dende a Idade Media. Este itinerario, que segue a vía do sol, percorre de leste a oeste a provincia de Lugo e parte da de A Coruña.
Neste camiño, descubrirás personaxes curiosos e templarios, escoitarás historias de nobres e viláns, e mergullaraste en tradicións e costumes cheas de simbolismo. Ademáis, terás a oportunidade de degustar polbo, queixo e viño coas xentes do Camiño. E sen darte conta, ao lonxe, escoitarás as campás da Catedral: “Por fin Santiago”.
Invitámoste a descubrir “El Camino de Santiago y más” da nosa Galicia Xacobea. Esta experiencia única, singular e transformadora non te deixará indiferente.
Interésanos a túa experiencia persoal, polo que nos poñeremos en contacto contigo todos os días para todo aquelo que necesites. Entregarémosche un dossier coa información máis relevante do Camiño, incluíndo os teus aloxamentos, sitios de interese, horario da misa do peregrino e todo o necesario para facer do teu Camiño un encontro espiritual, un Camiño interior.
Os nosos servizos inclúen 5 ou 6 etapas e 6 ou 7 noites en réxime de aloxamento e almorzo. A última noite será en Santiago. Ofrecemos soporte diario de atención telefónica, pero non presencial. O orzamento non inclúe as comidas e ceas.
Tanto se elixes aloxarte en albergues privados, onde disporás dunha cama para durmir (con sabana baixeira, almofada con funda e manta) e espazos comúns (habitacións compartidas, e baños femininos, masculinos e adaptados), como se prefires a opción de pensión/aloxamento rural en habitación privada, dobre ou individual, con baño interior, estamos seguros de que esta experiencia non te deixará indiferente.
Antes do Camiño, asistirémoste coa xestión e tramitación do seguinte: seguro de viaxe, seguro de anulación (que non contempla o peche de fronteiras e debe formalizarse 15 días antes do Camiño), traslado de mochilas de etapa en etapa, tramitación e xestión das Compostelas na Oficina do Peregrino, e tramitación e xestión directa das credenciais.