Esta viaxe está pensado para que goces intensamente da experiencia do Camiño de Santiago aínda que dispoñas de poucos días. Os últimos 110 quilómetros do Camiño Francés desde Sarria ofreceránche o mellor ambiente peregrino rodeado dun entorno rural máxico.

Caminarás por frondosos bosques de castiñeiros e carballos, testemuñas milenarias do paso dos peregrinos cara a Compostela. Hórreos, ermidas e cruces guiarán os teus pasos a través de verdes prados e pequenas aldeas que deixan ao descuberto a importancia da agricultura en Galicia.

Terás á túa disposición todos os servizos necesarios para unha experiencia de dez, incluíndo as mellores recomendacións de bares e restaurantes onde saborear a verdadeira gastronomía galega acompañada dunha Estrella Galicia ben fresquiña, a mellor recompensa ao final de cada etapa.

Un camiño para desconectar, aprender, reflexionar, coñecerte mellor e superarte, pero tamén para rir, namorarte, facer amigos… e sobre todo para engancharse. Porque unha vez que o fagas só terás un problema, e é que querrás repetir.